Hidronefroz – sidik axarı keçiriciliyin hər hansı bir səbəbdən pozulması nəticəsində böyrək ləyəni və kasacıqlarının proqressiv genişlənməsi ilə müşahidə olunan, vaxtında müdaxilə edilmədikdə böyrəyin məhvinə səbəb olan xəstəlikdir.
Hidronefroza həmçinin böyrəyin hidronefrotik transformasiyası da deyilir.
Ureterohidronefroz dedikdə isə, böyrəyin kasa – ləyən sistemi ilə yanaşı sidik axarının da genişlənməsi başa düşülür. Hidronefroza 20 – 60 yaş arasında qadınlarda daha çox, 60 yaşdan yuxarı isə kişilərdə daha çox rast gəlinir.
Hidronefrozun səbəbi:
- Sidik axarının daralması
- Xaricdən sıxılması
- Sidik axarında daş
- Böyrək, sidik kisə, bağırsaq, uşaqlıq, qarın 🔸boşluğu və çanaq orqanlarından inkişaf edən şişlər və peritonarxası sahənin şişləri
- Peritonarxası fibroz yaxud Ormondo xəstəliyi
- Böyümüş limfa düyünü və s.